«Білім мен ғылым - Тәуелсіздік негізі»

Абай атындағы Қазақ Ұлттық педагогикалық университетінде 16 желтоқсан Тәуелсіздік күніне арналған «Білім мен ғылым - Тәуелсіздік негізі» атты мерекелік шара өтті.

"Еліміз сан ғасырлар бойы армандап, аңсап жеткен тәуелсіздік әрбір халықтың санасында ең қастерлі ұғым. Еркіндік пен бостандыққа қол жеткізген Тәуелсіздік күні - ата-бабамыздың асыл мұрасы, бізге аманат еткен баға жетпес байлығы" - деп алғы сөзді бастаған АBAI UNIVERSITY-нің Басқарма Төрағасы - Ректор Болат Тілеп 2023-2024 жылдардағы атқарылған есептік баяндамасын университет ұжымына жеткізді. Атқарылған істермен қатар алдағы мақсат жоспарларда кеңінен таныстырылды. Болат Анапияұлы профессор-оқытушылар мен студенттерді еліміздің рухын асқақтатқан, ынтымақ-бірлігімізді арттырған айшықты мерекемен арнайы құттықтады. Ректор білім беру саласында кәсіби біліктілік танытқан оқытушыларды, университеттің дамуына елеулі үлес қосқан азаматтарды, мерекелік награда және алғыс хаттармен марапаттады.«Тәуелсіздік - таусылмайтын жыр". Бұл күні марапат иелерін университеттің өнерпаз әрі шығармашылыққа жаны құмары жастары әуелете әуезді ән салып, мың бұрала би билеп құрмет қошеметке бөледі.

Абай университетінің ұстаздары мен қызметкерлері студенттік «АЙСЕЛ» би ансамблінің өнеріне тәнті болды. Сондай-ақ университет басшылығының қолдауымен, өнерлі жастардың бастамасымен, - «Жеті саз» студенттік ансамблі құрылып, сахна төрінде алғашқы репертуары шырқалып, тұсауы кесілді.