«Energy Youth» студенттік апталығы аясында «Жайдарман» қалалық ойыны өтті

2024 жылдың 18 қарашасында Абай атындағы ҚазҰПУ Әлеуметтік және жастар саясаты жөніндегі департаменті мен Жастар ісі жөніндегі бөлімінің ұйымдастыруымен «Жаңашыл жастар» студенттік апталығының ашылу салтанаты дәстүрлі қалалық «Жайдарман» ойындарының финалдық кезеңімен өтті. Апталық - тек білім мен талантты танудың алаңы ғана емес, жас ұрпақтың шығармашылығы мен жаңашылдығының көрінісі.

Жайдарман ойынының басты ерекшелігі - қатысушылардың әлеуметтік, саяси және тұрмыстық жағдайларды әзіл форматында көрсетуінде болды. Ойын барысында түрлі өзекті тақырыптар қозғалып, студенттік өмір мен әлеуметтік желідегі қызықты сәттер ортаға салынды.

Финалдық кезеңде бақ сынаған командалар: «Көшедегілер», «Респект», «Абайла», «Шевченко 97».

Ойын нәтижесі бойынша: 1-орын: «Абайла», 2-орын: «Көшедегілер», 3-орын: «Респект» командаларына бұйырды. «Үздік әзіл» номинациясын «Шевченко 97» алса, «Үздік ойыншы» номинациясы Дина Таспанға табысталды. Барша финалдық кезеңде өнер көрсеткен командаларға алғыс білдіре отырып, жеңімпаздарды шын жүректен құттықтаймыз!

Жастар ісі жөніндегі бөлім