Сумгаит мемлекеттік техникалық университетінің делегациясымен (Әзірбайжан) кездесу

2024 жылдың 4 қарашасында Абай атындағы ҚазҰПУ қабырғасында Сумгаит мемлекеттік техникалық университетінің (Әзірбайжан) ректоры Руфат Азизов бастаған делагация өкілдерімен кездесу өтті. Кездесу екі университет арасындағы серіктестік, академиялық мобильділік және студенттер алмасу мәселелерін талқылауға арналды.

Кездесу барысында тараптар студенттер мен оқытушылардың біліктілігін арттыруға, тәжірибе алмасуға және жаңа академиялық мобильділік бағдарламаларын жүзеге асыруға бағытталған бірлескен білім беру және ғылыми жобалар мүмкіндіктерін қарастырды. Студенттердің білім көкжиегін кеңейтуге, Қазақстан мен Әзербайжанның мәдениетімен және білім беру жүйелерімен танысуға мүмкіндік беретін студенттер алмасу бағдарламаларын іске қосу перспективалары талқыланды.

Сумгаит мемлекеттік техникалық университетінің ректоры Руфат Азизов халықаралық байланыстарды дамытудың маңыздылығын атап өтіп, жаһандану жағдайында студенттер үшін академиялық мобильділіктің мәнін ескере отырып, ынтымақтастықты кеңейтуге дайын екенін білдірді.