Мектеп өз тәжірибесімен бөліседі

«Бастауыш сынып оқушыларына жаңартылған жаратылыстану - ғылыми білім беру негіздері» пәнін оқу шеңберінде «6в01304-Көптілділікпен бастауыш білім беру» және «6В01303-АКТ-мен бастауыш білім беру» мамандықтарының 2-курс студенттері 2024 жылғы 9 сәуірде М.Бегалин атындағы №120 гимназияға барды.

Бастауыш сынып мұғалімдері студенттер үшін сабақта «Жаратылыстану» және «Дүниетану» пәндерінен білім беру мазмұнын іске асыру бойынша шеберлік кластарын өткізді. Студенттер өздері үшін мұғалімдер қолданатын әдістердің, тәсілдердің және оқыту құралдарының алуан түрлілігін анықтады, сондай-ақ оқушылардың сабақ мақсатына жетуін бағалады.

Мектеппен мұндай ынтымақтастық педагогикалық қызметке енді ғана қадам басқан 1-2 курс студенттеріне өз таңдауларын растауға, ЖОО қабырғаларында тиімді оқуға, сондай-ақ өзін-өзі жоспарлы тәрбиелеуге және өз шеберліктерін арттыруға мүмкіндік береді.

Мектеп мұғалімдеріне жоғары кәсібилігі мен шеберлігі үшін үлкен алғысымызды білдіреміз: Е.Д.Абросимова, Г.В.Колмогорова, Л.Ф.Парамонова, А.Н.Ниязбакиева, Г.К.Куатова, Т.А.Блонская, Л.А.Линкова, А.А.Коткова.

М.Н.Дерикошма мен А.Т.Мадышеваға шеберлік кластарын ұйымдастырудағы ынтымақтастық үшін ерекше алғыс білдіреміз.