KAZDUAL жобасы бойынша оқу курстарының қорытындысы туралы

2021 жылдың 5 - 7 мамыры аралығында Австриялық Тироль педагогикалық университеті - Pädagogische Hochschule Tirol KAZDUAL жобасының өкілдері Австрияда дуальды жүйені енгізудің үздік практикалары бойынша үш күндік семинар ұйымдастырды. Тренингке Эразмус+ бағдарламасының KAZDUAL - «Қазақстанда дуальды жүйені енгізу» жобасына қатысатын Қазақстанның жоғары оқу орындары мен колледждерінің 30-дан астам оқытушысы қатысты.

Ең сұранысқа ие бизнес-серіктестерді іріктеу мәселелеріне, менторлар мен тәжірибе жетекшілеріне қойылатын талаптарға көп көңіл бөлінді.

Шетелдік әріптестер KAZDUAL командасымен одан әрі ынтымақтастыққа үлкен дайындықтарын білдірді, Тироль педагогикалық университетінің (Австрия) өкілдері жақын арада педагогикалық мамандықтарға дуальды жүйе элементтерін енгізу аясында Абай атындағы ҚазҰПУ-мен оқыту және жеке ынтымақтастық мүмкіндігі туралы ұсыныс жасады.