Студенттер арасында ұлттық спорт түрлерінен турнир өтті

2024 жылдың 4 қарашасында студенттер арасында ұлттық спорт түрі «Тоғызқұмалақ» ойынынан турнир өтті.

Тоғызқұмалақ - қазақ халқының дәстүрлі, логикалық және стратегиялық ойындарының бірі. Бұл ойын ұлттық мәдениеттің маңызды бөлігі болып табылады. Тоғызқұмалақтың негізгі мақсаты - қарсыластың ойын алаңынан көбірек ұпай жинап, жеңіске жету.

Ұлттық спорт түрлерінен студенттер арасында турнир өткізу - бұл жастардың ұлттық мәдениетке, дәстүрлерге деген қызығушылығын арттыруға және дене тәрбиесін дамытуға бағытталған маңызды шара. Мұндай турнирлер студенттерге денсаулықты нығайту, ұлттық спорт түрлерін насихаттау және командалық рухты қалыптастыру мүмкіндігін береді.

Турнир студенттердің ұлттық мәдениетке деген құрметін арттырып қана қоймай, олардың физикалық және психологиялық тұрғыдан дамуына да ықпал етті. Сондай-ақ, студенттер арасында командалық жұмыс, тәртіп және өзара сыйластық сияқты қасиеттерді нығайтты.

Жастар ісі жөніндегі бөлім