«Спорт-денсаулық кепілі» футбол жарысының жеңімпаздары марапатталды

2024 жылдың 21 қарашасында Абай атындағы ҚазҰПУ Әлеуметтік және жастар саясаты жөніндегі департаменті мен Жастар ісі жөніндегі бөлімінің ұйымдастыруымен «Жаңашыл жастар» студенттік апталығы аясында «Спорт-денсаулық кепілі» атты футбол жарысы өтті.

Жарыс барысында студенттер өз шеберліктерін көрсетіп, таланттарын одан әрі шыңдай түсті. Университеттің жеті факультеті мен Сорбонна-Қазақстан институты арасында өткен футбол жарысында жүлделі І орынды Филология факультеті иеленді. Ал, ІІ орынды Физика, математика және информатика факультеті алса, Дене шынықтыру және алғашқы әскери дайындық факультеті III орынды қанағат тұтты.

Жүлделі орындардан көрінген факультет жеңімпаздарына университет ректорының арнайы дипломдары мен ақшалай сыйақы табыс етілді. Ал қатысушы командаларға алғыс хаттар және Абай университетінің имидждік сыйлықтары берілді.

Жастар ісі жөніндегі бөлім