«Спорт-денсаулық кепілі» волейбол жарысының жеңімпаздары марапатталды

2024 жылдың 21 қарашасында Абай атындағы ҚазҰПУ Әлеуметтік және жастар саясаты жөніндегі департаменті мен Жастар ісі жөніндегі бөлімінің ұйымдастыруымен «Жаңашыл жастар» студенттік апталығы аясында «Спорт-денсаулық кепілі» атты волейбол жарысы өтті.

Жарыс барысында студенттер өз шеберліктерін көрсетіп, таланттарын одан әрі шыңдай түсті. Университеттің жеті факультеті мен Сорбонна-Қазақстан институты арасында өткен волейбол жарысында жүлделі І орынды Дене шынықтыру және алғашқы әскери дайындық факультеті алса, ІІ орынды Өнер факультеті, ал, III орынды - Физика, математика және информатика факультеті иеленді.

Жүлделі орындардан көрінген факультет жеңімпаздарына университет ректорының арнайы дипломы мен ақшалай сыйақы табысталды. Ал, қатысушы командаларға алғыс хаттар және Абай университетінің имидждік сыйлықтары тарту етілді.

Жастар ісі жөніндегі бөлім