«Балалық шаққа саяхат» эссе байқауының жеңімпаздары марапатталды

2024 жылдың 27 қарашасында «Хәкім Абай» Ұлттық тәрбие орталығы мен Оразалы Досбосынов атындағы жас ақындар мектебінің ұйымдастыруымен өткен «Балалық шаққа саяхат» эссе байқауының жеңімпаздары марапатталды.

Қазақ әдебиетінің классигі Бердібек Соқпақбаевтың туғанына 100 жыл толуына орай 15-27 қараша аралығында университет студенттері арасында ұйымдастырылған байқаудың мақсаты - өскелең ұрпаққа көрнекті жазушы Бердібек Соқпақбаевтың шығармаларын насихаттау. Студент жастардың шығармашылық қабілеттерін дамыту, болашақ жазушылардың әдебиетке деген қызығушылықтарын арттыра отырып, олардың шығармашылық жолында алғашқы қадамдарын жасауға ықпал ету болды.

Байқау нәтижесінде жүлделі І орынды Педагогика және психология факультетінің 2 курс студенті Шахризада Мұғау, ІІ орынды Филология факультетінің 2 курс студенті Жанел Сайлаубай, ІІІ орынды Филология факультетінің 1 курс студенті Бағжан Бахыбай иеленді. Ал, «Талантты қаламгер» номинациясымен 1 курс магистрі Жанна Орынбай, Филология факультетінің 2 курс студенті Аружан Иминова, Математика, физика және информатика факультетінің 3 курс студенті Дінмұхаммед Әліакпаров, Жаратылыстану және география факультетінің 2 курс студенті Нұржан Қыдырқан мен Филология факультетінің 2 курс студенті Алтынай Мейрамбек марапатталды.

Байқау қатысушылары мен жүлделі орын иегерлеріне Басқарма Төрағасы - ректордың Алғыс хаттары, дипломдары және арнайы ақшалай сыйлық жүлде қорлары табысталды.

«Хәкім Абай» Ұлттық тәрбие орталығы