Абай университетінің Студенттік ректоры сайланды

2024 жылдың 21 қарашасында Абай атындағы Қазақ ұлттық педагогикалық университетінде Студенттік ректорат мүшелерінің кезекті отырысы өтті. Кездесудің басты мақсаты - Абай университетінің Студенттік ректорын анықтау болды. Сонымен қатар кездесу барысында үміткерлер әлеуметтік даму жөніндегі проректор Мақсат Жақауға жылдық жоспарларын баяндап, алға қойған мақсаттарымен бөлісті. 

Конкурсқа қатысқан үміткерлер жабық дауыс беру арқылы сайланды. Дауыс беру нәтижесі бойынша Филология факультетінің 1-курс студенті Елдар Шабденов Студенттік ректор болып сайланды.

Ал, Сорбонна-Қазақстан институтының 1-курс студенті Мөлдір Қадылбек және Дене шынықтыру және алғашқы әскери дайындық факультетінің 2- курс студенті Ердаулет Джанабилов Студенттік ректордың орынбасарлары қызметіне тағайындалды.

Сайлау жеңімпаздарына сәттілік тілей отырып, алдағы уақытта адал еңбек етіп, оқу орнының игілігі үшін табысты жұмыс жасауларына тілектеспіз!

Жастар ісі жөніндегі бөлім