«Білім беру қызметінің субъектісі ретіндегі мұғалімнің цифрлық құзыреттіліктері» оқу-әдістемелік вебинары

2022 жылғы 23 қарашада «Білім беру қызметінің субъектісі ретіндегі мұғалімнің цифрлық құзыреттіліктері» тақырыбында оқу-әдістемелік бірлескен вебинар өткізілді. Іс-шараға «Бастауыш білім беру» кафедрасының оқытушылары, Алматы қаласының бастауыш сынып мұғалімдері, сондай-ақ, «6В01303- Бастауыш білім ақпараттық-коммуникациялық технологиялармен» мамандығы бойынша қашықтықтан оқыту негізіндегі күндізгі бөлім студенттері қатысты.

Вебинар білім беруде цифрлық құрылғыларды қолдану, білім беру қызметінің субектісі ретіндегі мұғалімнің цифрлық құзыреттіліктерін дамыту мәселелеріне арналды. Модераторлары - Айгүл Сафаргалиева, Назгүл Сартаева.

Кіріспе сөз ретінде ақпараттық-коммуникациялық технологиялар оқытушылары білім беру қызметінің субъектісі ретіндегі мұғалімнің цифрлық құзыреттіліктері ұғымын оның жеке даму траекториясына қарай өзектілендіріп, оқу үдерісінде бейнесабақтардың, мультимедиалық презентациялардың, ақпараттық графика және т.б. қолданылуы оқыту тиімділігі мен мотивациясын, сонымен бірге тұтастай алғанда білім беру үдерісінің сапасын арттыратынын жеткізді.

Вебинар қатысушылары келесідей таырыптар бойынша баяндама жасады: бастауыш сынып оқушыларының АКТ-құзыреттіліктері (Сахинур Манапова, №118 МГ ҚММ), графикалық ақпараттарды өңдеу технологиялары (Виктория Ахлупина, «Голубой парус» ОҰ), бастауыш білім беруді ақпараттандыру (Оксана Осенмук, «Болашақ Кемеңгер» ЖМ), білім беруді ақпараттандыру білім беру үдерісінің тиімділігін арттыру құралы ретінде (Татьяна Ивахнина, «Ай-Нұр» ҚЖЛГ).

Мұғалімнің цифрлық құзыреттіліктеріне қатысты өзекті мәселелерді талқылау өте тартымды және қызықты өтті.