«Абай» стипендиялық бағдарламасына құжат қабылдау басталады

2024-2025 оқу жылында 2 курстан бастап бакалавриатта оқитын мемлекеттік білім беру тапсырысы бойынша және ақылы негізде тек «өте жақсы» (А, А-) бағаға оқитын студенттері «Абай» стипендиясының иегері атана алады және ол бір академиялық кезеңге беріледі.

Президенттік шәкіртақы алатын студенттер «Абай» стипендиясының конкурсына қатыса алмайды.

Үміткерлерді анықтау екі кезеңнен тұрады.

І кезең

Үміткерлер Сорбонна-Қазақстан институтының директораты мен факультеттер деканаттарына келесі құжаттарды ұсынулары қажет:

• университеттің Басқарма Төрағасы - Ректордың атына өтініш.

• Транскрипт.

• Жетістіктерін растайтын құжаттар көшірмелері (дипломдар, грамоталар, сертификаттар, куәліктер).

• Жеке куәліктің көшірмесі.

«Абай» стипендиясын алуға үміткерлердің құжаттарын қабылдау 2025 жылғы 28 ақпанға дейін жалғасады.

ІІ кезең

ІІ-ші кезеңде құжаттары сәйкес келетін тұлғалар «Ғылым декадасы» аясында өздерінің зерттеу жұмыстары бойынша баяндама жасап, жүлделі орынды алуға міндетті. Осы екі кезең қорытындысы бойынша әрбір институт / факультеттерден берілетін квотаға сәйкес жеңімпаздар анықталады.

«Абай» стипендиясын жеңіп алған студенттерге ай сайын 100000 (жүз мың) теңге көлемінде стипендия беріледі.

Үміткерлерді іріктеуді тәуелсіз комиссия жүргізеді. Конкурс нәтижелері 2025 жылдың наурыз айында университет сайтында жарияланады.

Академиялық мәселелер жөніндегі департамент