Халықаралық бағдарламалар, тағылымдамалар, академиялық ұтқырлық және шетелдік студенттерді визалық қолдау бойынша ақпараттық сессиялар 

Абай атындағы Қазақ ұлттық педагогикалық университетінің Халықаралық ынтымақтастық департаменті студенттер мен оқытушыларды халықаралық бағдарламалар мен жобалар, академиялық ұтқырлық, шетелдік тағылымдамалар, сондай-ақ шетелдік студенттерді бейімдеу және қолдау мәселелеріне арналған бірқатар ақпараттық сессияларға қатысуға шақырады. Іс-шаралар 2025 жылдың 24 ақпанынан 6 наурызға дейін жалғасады.

Университеттің әрбір факультеті үшін ақпараттық сессияны өткізуіне жеке күн бөлінеді, оның шеңберінде қатысушылар халықаралық бағдарламаларға, гранттарға, алмасуларға, бірлескен жобаларға және шетелдік университеттермен қос дипломды бағдарламаларға қатысу мүмкіндіктері туралы біле алады.

Сессия бағдарламасына:

· Халықаралық білім беру бағдарламаларының презентациясы;

· Академиялық ұтқырлық және шетелдік тағылымдама мүмкіндіктері;

· Абай атындағы ҚазҰПУ-да шетелдік студенттерді визалық қолдау және бейімдеу;

· Қос дипломды бағдарламаларды құру мүмкіндіктері;

· Халықаралық ұйымдардың сарапшыларымен және өкілдерімен сұрақ-жауап сессиялары кіреді.

Іс-шараны ұйымдастырушылар қатысушыларға кестемен танысуға және олардың факультеті мен академиялық қызығушылықтарына сәйкес сессияларға қатысуға кеңес береді.

Қосымша ақпарат алу үшін халықаралық ынтымақтастық департаментіне хабарласыңыз.

Ақпараттық сессия кестесі осында.