Ашық сабақтан кейінгі талқылау

Абай атындағы Қазақ ұлттық педагогикалық университеті мен Жетісу облысы білім басқармасы арасындағы ынтымақтастық меморандум аясында және екі жақты бірлескен жұмыс жоспарының негізінде, 2024 жылдың қараша айынан бастап, педагогикалық мамандықтың 20-ға жуық 4 курс білім алушылары Талдықорған қаласының орта білім беру ұйымдарында өндірістік іс-тәжірибеден өтуде. Аталған өндірістік іс-тәжірибе 2025 жылдың 17 мамырына дейін жалғасады.

Білім алушылар Жетісу университетінің қолдауымен жатақханамен тегін қамтамасыз етілген. Бұл бастама студенттердің кәсіби дағдыларын жетілдіруге, оқушылармен тікелей жұмыс жасауға және болашақ мамандықтарына тәжірибе жинақтауға мүмкіндік береді. 2025 жылдың 13 ақпанында өндірістік іс-тәжірибе аясында Ш.Уәлиханов атындағы №10 мектеп-гимназиясында «6В01502 – Математика-физика» білім беру бағдарламасының 4 курс студенті Құмыролла Құрманғазы «Ондық бөлшекті натурал санға көбейту. Ондық бөлшектерді көбейту» тақырыбында ашық сабақ өткізді.

Осыған орай, кәсіби бағдар беру және мансапты дамыту департаментінің директоры Алмас Найманбаев, әлеуметтік және жастар саясаты жөніндегі департамент директоры, Мансап орталығының жетекшісі Рақымберді Жетібай және Талдықорған қаласындағы білім алушылар ашық сабақты талқылады.

Талқылау барысында сабақтың тиімді және жетілдіруді қажет ететін тұстары айтылды. Басқа білім алушыларға келесі ашық сабақтарына байланысты бағыт-бағдар берілді. Келесі ашық сабақтар наурыз және сәуір айларына жоспарланды.