Докторанттардың педагогикалық практикасының қорытынды конференциясы

2024 жылдың 25 қарашасында Абай атындағы ҚазҰПУ Педагогика және психология факультеті мектепке дейінгі білім беру және әлеуметтік педагогика кафедрасында «8D01201- Мектепке дейінгі оқыту және тәрбиелеу» білім беру бағдарламасының 2-курс докторанттары педагогикалық практикасының қорытынды конференциясы өтіп, есебі тыңдалды.

2024/2025 оқу жылының академиялық күнтізбесіне сәйкес 28.10.2024-23.11.2024 (5 апта) аралығында педагогикалық практикадан өтті. Практика барысында «Мектепке дейінгі оқыту және тәрбиелеу» білім беру бағдарламасының докторанттарына бейіндік пәндер бойынша ғылыми жетекші бекітіліп, тиісті жұмыстар жүргізілді.

Қорытынды конференцияға 2 курс докторанттары және ғылыми жетекшілері қатысты. Қорытынды конференция барысында докторанттар практикалық жұмыс нәтижелерін таныстырды, жеткен жетістіктерін көрсетті және болашақтағы жоспарларына бағыт-бағдар алды.

Докторанттардың педагогикалық практикасы олардың ғылыми зерттеу мен оқыту қызметін байланыстырып, білім берудегі инновациялық тәсілдерді енгізуді қамтамасыз етеді.