Миддлбери мектебінің (АҚШ) өкілімен кездесу 

2024 жылдың 28 қазанында Абай атындағы ҚазҰПУ базасында Миддлбери мектебінің (АҚШ) директоры және доценті Нана Цихелашвилимен кездесу өтті. Кездесу университеттің халықаралық білім беру мекемелерімен ынтымақтастығы аясында өтіп, педагогика саласындағы мәдениетаралық алмасу мен академиялық ұтқырлықтың маңыздылығы жайында өрбіді. 

Кездесу барысында Миддлбери мектебі мен Абай университеті арасындағы ынтымақтастықтың негізгі бағыттары талқыланды, оның ішінде шет тілдерін оқыту, оқытудың инновациялық әдістерін енгізу, сондай-ақ халықаралық білім беру стандарттарына ұмтылатын жас оқытушылар мен студенттерге қолдау көрсету мәселелері қозғалды. Нана Шотаевна Миддлбери мектебінде жұмыс істеу тәжірибесімен бөлісіп, студенттердің сыни ойлау дағдыларын дамыту мен пәнаралық тәсілдің маңыздылығын атап өтті. 

Ерекше назар академиялық алмасу бағдарламаларын ұйымдастыру және бірлескен ғылыми зерттеулер жүргізу мүмкіндіктеріне аударылды. Бұл Абай университетінің студенттері мен оқытушыларына Миддлбери мектебінің қолдауымен жүзеге асырылатын халықаралық білім беру бағдарламаларына қатысуға мүмкіндік береді. 

Кездесу барысында академиялық мәселелер жөніндегі проректор Бану Нарбекова Миддлбери мектебімен одан әрі ынтымақтастық университеттің халықаралық интеграциясының маңызды қадамы болатынына сенім білдірді. Ол бұл серіктестік студенттер мен оқытушылардың кәсіби және жеке дамуына қосымша мүмкіндіктер ашатынын атап өтті. 

Кездесу екі оқу орны арасындағы білім беру және ғылыми байланыстарды нығайтуға ықпал ететін дөңгелек үстелдер, семинарлар және конференциялар ұйымдастыру жоспарларын талқылаумен аяқталды.