Абай университеті мен Study INN арасындағы ынтымақтастық меморандумы

2024 жылдың 28 қазанында Абай атындағы ҚазҰПУ Педагогика және психология факультетінің бастауыш білім беру кафедрасы мен «Study INN» халықаралық білім беру Холдингі» ЖШС Қазақстандағы білім беруді дамытудың жаңа көкжиектерін ашатын ынтымақтастық жайлы меморандумға қол қойды. Бұл серіктестік бірлескен бастамаларға, білім және әдістемелік ресурстармен алмасуға, сондай-ақ «6В01304 - Бастауыш білім көптілділікпен» (көптілді бастауыш сынып мұғалімі) және «6B01306 - Бастауыш білім ағылшын тілінде» білім беру бағдарламалары бойынша педагогтерді даярлау мен қайта даярлауды қолдауға бағытталған.

 
Ынтымақтастық аясында іс-шараларды ұйымдастыру, студенттерді сертификаттау және әдістемелік зерттеулер жүргізу үшін платформа құрылады. Біздің ортақ мақсатымыз - барлық деңгейде білім беру сапасын арттыру, өзара іс-қимылды нығайту және мұғалімдердің болашақ ұрпақтарын жаңа кәсіби биіктерге жетуге шабыттандыру.