Абай университетінің оқытушылары ҚР Мәдениет және ақпарат министрлігінің ведомстволық наградаларымен марапатталды

2024 жылдың 28 қазанында Республика күніне орай Абай атындағы ҚазҰПУ Тарих және құқық факультеті саясаттану және әлеуметтік-философиялық пәндер кафедрасының меңгерушісі Жомарт Симтиков және кафедра оқытушысы Нұрлан Орынбеков ҚР Мәдениет және ақпарат министрлігінің ведомстволық наградаларымен марапатталды.

Іс-шара барысында ҚР Мәдениет және ақпарат министрінің атынан ҚР МАМ Этносаралық қатынастарды дамыту комитетінің төрағасы Ғалым Шойкин қатысушыларды мерекемен құттықтап, этносаралық қатынастарды дамытуға маңызды үлес қосқан азаматтарға ведомстволық наградалар табыстады. Іс-шара этнос өкілдері мен Қазақстан халқы Ассамблеясы мүшелерінің этносаралық бірлік пен қоғамдық келісімді нығайтуға қосқан үлесін айқын көрсететін маңызды оқиғаға айналды.

Оқытушыларымызды марапаттарымен құттықтаймыз!