«Қазақ әдебиетінің ақсұңқары» әдеби кеші  

2024 жылдың 9 қазанында Абай атындағы ҚазҰПУ-да қазақ әдебиетінің алыбы, көрнекті ақын және қоғам қайраткері Сәкен Сейфуллиннің туғанына 130 жыл толуына орай «Қазақ әдебиетінің ақсұңқары» тақырыбында әдеби шолу кеші өтті. Іс-шараны университеттің Мәдениет және шығармашылық бөлімі, Алматы қаласы Мәдениет басқармасы және Орталықтандырылған кітапханалар жүйесі (№32 кітапхана бөлімшесі) ұйымдастырды.

Кездесу кеші қазақ әдебиетінің классигі болған Сәкен Сейфуллиннің өмірі мен шығармашылығын насихаттауға, оның әдеби мұрасына арналған қоғамдық қызығушылықты арттыруға бағытталды.

Іс-шара жазушы, зерттеуші, Қазақстан жазушылары және Журналистері одағының мүшесі, халықаралық «Жамбыл» және «Алаш» сыйлықтарының иегері, филология ғылымдарының докторы Ақыш Нұрдәулет және Қазақстан Жазушылары одағының мүшесі, «Таңжарық» журналының бас редакторы Мұқан Мамытханның алғы сөздерімен басталды.

Кездесуге Педагогика және психология факультетінің 1 курс студенттері қатысты. «Alem» жас студенттер ұйымы мүшелері іс-шараны ұйымдастыруға белсене атсалысты.

Шара ауқымды, мәдени және рухани мазмұнды өтті.