Абай университетінің ғалымдары Ұлыбританияда ғылыми тағылымдамадан өтуде

Абай атындағы ҚазҰПУ оқытушылары - PhD, Математика, физика және информатика факультеті қауымдастырылған профессор м.а. Алтынбек Мошкалов және Жаратылыстану және география факультетінің аға оқытушысы, х.ғ.к. Жақсыбаева Жанар «Болашақ» бағдарламасының «500 ғалым» жобасы аясында Рединг университетінде (Ұлыбритания) ғылыми тағылымдамадан өтуде.

«Болашақ» бағдарламасы шетелде оқуға және қатысушыларға білім беру саласындағы халықаралық тәжірибелер мен тәсілдермен танысуға мүмкіндік береді.

Рединг университеті - Англияның Рединг қаласында орналасқан жетекші жоғары оқу орындарының бірі. 150 жылдық тарихы бар бұл жоғарғы оқу орны білім және ғылым, бизнес, ауыл шаруашылығы және тамақ өнеркәсібі саласындағы озық тәжірибелерімен танымал.