Әлеуметтік - тәрбие жұмысы

Мамандарды кәсіби даярлау процесіндегі, оның аса маңызды ажырамас бөлігінің бірі - тәрбие жұмысы болып табылады. Фа­культетте бұл бағыттағы жұ­мыстарды ұйымдастыруға де­канның тәрбие ісі жөніндегі орынбасары және қоғамдық ұйымдар басшылық жасауда.

Студенттердің азаматтық көзқарасын қалыптастыру мен тұлғалық қабілеттерінің дамуына жол ашу мақсатында, тәлімгерлер өз топтарымен бірқатар тәрбиелік іс-шаралар өткізуде. Факультет, университет көлемінде өткен әртүрлі іс-шараларға,  форумдарға, акцияларға топ тәлімгерлері бас болып, қадағалау жасап қатысып отырады.

Факультеттегі әлеуметтік тәрбие қызметі: Факультет деканаты, кафедралар, Тәрбие жетекщілер кеңесі, Жатақхана кеңесі, Қоғамдық студенттік деканат.

Іс-шаралар

Төменде келтірілген мазмұнды сақтай отырып, жоспарға сай жұмыстар жүргізіліп отырады.

1)    Мемлекеттік тілді дамыту жұмыстары

2)    Адамгершілік-рухани және имандылық тәрбие беру

3)    Қазақстандық патриотизм, отаншылдық тәрбие беру

4)     Экологиялық және эстетикалық тәрбие беру

5)    Ұлттық тәлім-тәрбие негіздеріне баулу, халықтық педагогика ұстанымдарын насихаттау

6)    Дене тәрбиесі. Салауатты өмір салтын қалыптастыру және жаппай спорт түрлеріндамыту

7)    Құқықтық тәрбие беру. Құқық бұзушылықтың алдын алу және Қоғамдық тәртіпті нығайту

8)    Экономикалық тәрбие беру

9)    Әлеуметтік қолдау көрсету

10)             Жас таланттарды дамыту және қолдау

11)             Діни  сауаттылықты көтеру, студенттер арасында діни экстремизм мен ұлтаралық жанжалдарға жол бермеу шаралар

12)             Сыбайлас жемқорлықтың алдын алу және жол бермеу шаралары

13)             Студенттерге психологиялық көмек көрсету

Осы берілген міндетті мазмұндарды сақтай отырып, факультеттің оқытушылары мен профессорлар құрамы студент жастарды тәрбиелеу бағытында жан жақты үлкен жұмыстар атқаруда.

Факультет деканы г.ғ.д., профессор О.Б.Мазбаев Оңтүстік полюске Қазақстандық алғашқы экспедиция мүшелігінде қатысты және «Аңызға айналған Қазақстан» туристік-экологиялық  халықаралық жобаға жетекшілік жасап, профессор - оқытушылармен және студенттермен кездесу өткізілді.

Жоспарға сай әр сайын студенттермен кездесулер, семинарлар, дөңгелек үстел, пікір-сайыстар ұйымдастырылып отырады ГЭФ студенттері театрлар мен мұражайларға және қаланың басқа да көрікті орындарына үнемі барып тұрады. Фа­куль­тетте - ғылым және өнер, дін және мәдениет қай­рат­керлерімен, соғыс және еңбек ардагерлерімен, ден­саулық сақ­тау және құқық қорғау ор­ган­дарының қызметкер­лері­мен біздің студенттер ара­сында ұдайы кездесулер ұйым­дас­тырылып тұрады. География-экология факультетінің профессор-оқытушылар құрамы және студенттері  «Саябақтар шеруі» халықаралық қоршаған ортаны қорғау акциясына, Алматы қаласы Табиғи ресурстар және табиғатты пайдалануды реттеу басқармасының «Медеу» мемлекеттік өңірлік табиғат паркінің ұйымдастыруымен өткізген табиғат аясындағы сенбілікке, Іле-Алатау табиғи паркінде «Ағаш егу» қалалық акциясына белсенді ат - салысты.

Жұмыспен қамту

ГЭФ түлектері мемлекеттік үлгідегі диплом алады. Олар басқару аппараттарында, министрліктерде, ғылыми-зерттеу мекемелерінде, экологиялық орталықтар мен мемлекеттік қорықтарда, экологиялық қызмет жүйесінде, жалпы білім беретін мектептерде жұмыс істей алады. Туризм кафедрасы Алматы қаласының әкімшілігі мен және ҚР "Туризм және спорт министрлігімен" бірлесе отырып экскурсовод-гид, туризм нұсқаушыларын дайындайды. Күндізгі оқу бөлімінде оқитын студент ұлдарымыздың арнайы кафедрада әскери дайындықтан өтуге, ал «Туризм» мамандығын бітірген студенттеріміздің ту­ризм менеджері мәртебе­сін­де еліміздің туристік меке­ме­лерінде қызмет істеуге мүм­кіндіктері бар. Жақсы біті­руші факультет түлектері оқуларын әрі қарай магис­тратура және док­торантурада жалғастыра алады, өз кезегінде олар ма­гистрлік және док­торлық диссертацияларын қорғайды.

050116 - География мамандығының білім беру бағытындағы студенттеріне Алматы    қаласының мектептерімен (№172, 140, 12, 81, 39, 136, 147, 27, 105, 33), 050902-Туризм мамандықтары үшін туристік фирмалар және ұйымдармен: КТА - Қазақстандық туристік бірлестік; ТОО «Z-CLUB», ТОО «Cosmo Tour»,  Тур агентство «Asi discovery», База отдыха «Белый парус»,  ТОО «Silk Road Business Services», 050608 - Экология мамандықтарына ғылыми - практикалық санитарлық - эпидемиологиялық орталықпен келісім - шарт жасалған.