Біздің студенттер «Жыр жолбарысы-Жамбыл» айтысында топ жарды

Алматы қаласы Орталықтандырылған кітапханалар жүйесіне қарасты №4 кітапхана-бөлімшесінің ұйымдастыруымен «Жыр жолы - Жамбыл» қалалық жас ақындар айтысы өтті.

1846 жылы 28 ақпанда дүниеге келген халық ақыны Жамбыл Жабаевты еске алуға арналған шығармашылық кешке он талантты ақын қатысты. 

Бұл сайысқа Абай атындағы Қазақ ұлттық педагогикалық университеті атынан 1-ші курс студенті Даярбек Санжар мен 2-ші курс студенті Серік Елдос қатысып, бақ сынады. Нәтижесінде студентіміз Даярбек Санжар айтыста оза шауып, бірінші орынды қанжығасына байлады. Ал екінші студентіміз Серік Елдос арнайы жүлдемен марапатталып, наурызда Астана қаласында өтетін республикалық айтысқа жолдама алды.