Халықаралық ынтымақтастық бағдарламасын жүзеге асыру аясындағы кездесу

2024 жылдың 04 желтоқсанында арнайы педагогика кафедрасы Абай Атындағы ҚазҰПУ мен М.Танк атындағы Беларусь мемлекеттік пдагогикалық университеті арасындағы халықаралық ынтымақтастық бағдарламасын жүзеге асыру аясында инклюзивті білім беру институтының логопедия кафедрасының доценті Марина Былиномен кездесу ұйымдастырды.

Кездесуге арнайы педагогика кафедрасының профессорлық-оқытушылар құрамы, «6В01902-Арнайы педагогика:Логопедия» білім беру бағдарламасының 3 курс студенттері қатысты.

Үлгілік оқу бағдарламаларын, оқу және әдістемелік құралдарды, мектепке дейінгі арнайы педагогика мен психологияның өзекті мәселелері бойынша ғылыми мақалаларды әзірлеуші ретінде Марина Былино кездесуге қатысушыларға Белоруссиядағы арнайы білім берудің ерекшеліктері жайлы айтып берді.

Кездесу қонақтары педагогика ғылымдарының кандидаты, доцент Ольга Завалишинаның «Мектеп жасына дейінгі балалар логопедиясы» пәні бойынша «Сөйлеу тілінің жалпы дамымауы барысында түзету жұмыстарының ерекшеліктері» тақырыбындағы практикалық сабағына қатысып, талқылады.