«Қазіргі студент жастардың сөйлеу мәдениеті​» онлайн-семинары
​

2020​ жылы 27​ сәуірде Филология және көптілді білім беру инcтитутының​ «Аударма ісі»​ мамандығының 2-ші курс студенттері​ пән оқытушылары​ Нұржамал​ Шенгелбаева, Кулзаги Ибрагимова​ және​ Айгерим​ Себдайырованың қолдауымен​ «Қазіргі студент жастардың сөйлеу мәдениеті​» онлайн-семинар өтті.​

Семинардың мақсаты​ -​ студенттерді қазіргі қоғамдағы жастардың сөйлеу мәдениетіне, күнделікті қарым-қатынастағы кемшіліктерді жою қажеттілігіне бағыттау. Бұл мәселе​ төңірегінде​ студент жастарымыз​ да​ өздерінің тың пікір мен ойларын ортаға салды.​

Студент​ қауымның​ сөйлеу мәдениетіне қатысты жаргон ​ мен сленг​ тақырыбында​ профессор А.К.Жумабекова, А. М.Алмабекова, Р. Оразова, Е. Самбетов, Г. Алиханкызы және ​ Г. Досматова сияқты​ оқытушылар​ сыни көзқарастары мен​ ғылыми ұстаным,​ пікір, ұсыныстарын білдірді. ​

Семинар​ модераторы Диана Айсаеваның дайындаған ​ «Сленгтердің әдеби тілдегі ролі​» тақырыбындағы презентацияны студенттер мен оқытушылар үлкен қызығушылықпен қабылдады.​ Себебі бұл баяндама сөйлеу мәдениеті мәселесіне жастар көзімен қарау, жастар көңілімен бағалай білу үрдісін көрсетті, мәселені «ішінен көріп-білу» тұрғысынан​ өзекті де мазмұнды болды.​

Кафедра меңгерушісі Ерғали Есбосынов онлайн-семинарды қорытындылап,​ мұндай тақырыптың қашанда маңызды және өзекті болып қала беретіндігіне назар аударды. Кездесудің кафедра ұжымымен қоса ​ аудармашы мамандығын таңдаған филолог-студенттер үшін аса маңызды тақырып екендігін атап өтті. Семинарды ұйымдастырушы оқытушыларымыз бен белсенділік танытқан студенттерге табыс тілеп алғыс айтты.