«Үздік новелла» конкурсының жеңімпаздары марапатталды

2024 жылдың 12 желтоқсанында «Хәкім Абай» Ұлттық тәрбие орталығы мен Оразалы Досбосынов атындағы жас ақындар мектебінің ұйымдастыруымен балалар әдебиетінің классигі Бердібек Соқпақбаевтың туғанына 100 жыл толуына орай университет студенттері арасында еркін тақырыпта «Үздік новелла» конкурсының марапаттауы өтті.
⠀
Қазақ әдебиетінің классигі Бердібек Соқпақбаевтың туғанына 100 жыл толуына орай 15 қараша мен 11 желтоқсан аралығында университет студенттері арасында ұйымдастырылған конкурстың мақсаты - өскелең ұрпаққа көрнекті жазушы Бердібек Соқпақбаевтың шығармаларын насихаттау.
⠀
Конкурс нәтижесінде жүлделі I орынды Филология факультетінің 3 курс студенті Елеусинов Бекзат, II орынды Филология факультетінің 2 курс студенті Алпысбаев Нұрбек, III орынды Педагогика және психология факультетінің 2 курс студенті Шахризада Мұғау иеленді. Ал, «Талантты қаламгер» номинациясымен Сауытқан Айбарыс, Егетай Бекнұр, Есенгельдинова Мирамгүл Беркінқызы, Сүлейменова Рабиға Мұхамедғалымқызы, Сариева Перизат марапатталды.

Конкурс қатысушылары мен жүлделі орын иегерлеріне Басқарма төрағасы - Ректордың Алғыс хаттары, дипломдары және арнайы ақшалай сыйлық жүлделері табысталды.