Абай университетінің студенттері Республикалық пәндік олимпиадада жүлделі орынды иеленді

2024 жылдың 17-18 қазанында Сәрсен Аманжолов атындағы Шығыс Қазақстан университеті базасында  «Орыс тілі мен әдебиеті»  білім беру бағдарламасы бойынша XVI Республикалық пәндік студенттік олимпиада өтті. Олимпиадаға Қазақстанның жетекші жоғары оқу орындарынан барлығы 14 команда қатысты.

Жоғары бәсекелестікке қарамастан, ОТӘ-401 (орыс тілі мен әдебиет) тобының студенттері (оқытушылары - Д.А. Сабирова, А.Б. Иргебаева, Г.А. Қуатова, М.М. Хавайдарова, Д.М. Поляк (кафедра меңгерушісі С. Д. Абишеваның жетекшілігімен) жүлделі II орынды иеленіп, білім мен шығармашылықтың лайықты деңгейін көрсетті. Сондай-ақ студенттеріміз жалпы командалық есепте 50 000 теңге көлемінде ақшалай сертификат ұтып алды.

«Екі лирикалық шығарманың үздік салыстырмалы талдауы» үшін Абузярова Руфина және жеке олимпиаданың бірінші кезеңінде  диплом мен қола медаль алған Абдумуталипова Бибисара жеке номинациялармен марапатталды. Биғазиев Айдар Н. Гумилевтің  «Сөз» өлеңін мәнерлеп оқығаны үшін, көрерменнің ыстық ықыласына бөленіп, бейресми сыйлықтың иесі атанды.