Абай университетінің студенттері «Үздік мерген» халықаралық конкурсының жеңімпаздары атанды

Абай атындағы ҚазҰПУ Тарих және құқық факультеті құқықтану кафедрасы «6В04202 - Құқықтану» білім беру бағдарламасының 4-ші курс студенттері «Үздік мерген» халықаралық конкурсына қатысты. Конкурсты Әл-Фараби атындағы ҚазҰУ құқықтану факультетінің «Сарапшы-криминалист» клубыны ұйымдастырды.

Конкурсқа Ресейдің Санкт-Петербург гуманитарлық университетінен, сондай-ақ, еліміздің жетекші жоғары оқу орындарынан көптеген студенттер қатысты. Абай университетінің студенттері конкурс аясында өздерінің шеберліктерін ғана емес, жеңіске деген ерік-жігерлерін де көрсете білді.

Конкурс нәтижесінде Руслан Акишов 1-орын, Абылай Бекназар 2-орын, Марина Ни 2-орын, Бекарыс Тағабай 3-орын, Ақерке Исатайқызы 3-орын, Ильяна Хван 3-орын иеленді.   

Студенттерімізді лайықты жеңістерімен шын жүректен құттықтаймыз!