«Елі сүйген, елін сүйген-Елбасы» тәрбие сағаты 

2021 жылдың 4 желтоқсанында Тарих және құқық институты Құқықтану кафедрасының кураторы, оқытушы Рахимова Гакку  ұйымдастыруымен, Құқықтану білім беру бағдарламасының 1-курс студенттерінің қатысуымен «Елі сүйген, елін сүйген-Елбасы» ашық тәрбие сағаты онлайн форматта өткізілді.

Ашық тәрбие сағатының мақсаты, Тәуелсіздігіміздің 30 жыл кезеңіндегі Елбасымыз, Қазақстан Республикасының тұңғыш Президенті Н.Ә.Назарбаевтың ерен еңбегі мен сарабдал саясатын жастарға насихаттау.

Ашық тәрбие сағатына Тарих және құқық институтының директорының тәрбие ісі бойынша орынбасары Манапбаев Нурболат мен кафедра меңгерушісі Көшпенбетов Бақытқали қатысып, өз құттықтауларын жеткізді.

Тәрбие сағаты барысында студенттер Елбасына арнаған арнауларын оқып, өз өнерлерін көрсетті.