ҚР құқықтық жүйесі және сыбайлас жемқорлыққа қарсы мәдениетті қалыптастыру

2020 жылдың 25 қарашасында «Рухани жаңғыру» бағдарламасы аясында Тарих және құқық институтының құықтану кафедрасында «Сыбайлас жемқорлыққа қарсы мәдениетті қалыптастыруда Қазақстан Республикасының құқықтық жүйесін жетілдіру және үйлестіру» тақырыбында жоғары оқу орындары арасында on-line дөңгелек үстел өткізілді.

Дөңгелек үстелге Х.Досмухамбетов атындағы Атырау мемлекеттік университетінің, Алматы Менеджмент Университеті (Almau), Санкт-Петербург Гуманитарлық кәсіподақтар университетінің Алматы филиалы және Абай атындағы Қазақ ұлттық педагогикалық университеті құқықтану кафедрасының профессор-оқытушылар құрамы, құқық, психология және қолданбалы информатика мамандықтарының студенттері мен магистранттары қатысты. Сыбайлас жемқорлыққа қарсы мәдениетті қалыптастыру, құқықтық мемлекеттің даму факторы ретінде, сыбайлас жемқорлыққа қарсы күрестің қазақстандық тәжірибесі,жастар сыбайлас жемқорлыққа қарсы, сыбайлас жемқорлықтың психологиялық аспектілері, сыбайлас жемқорлыққа қарсы күрестің шетелдік тәжірибесі талқыланды.

Іс-шара профессор А. М. Сералиева және аға оқытушы А. Н. Казиеваның басшылығымен, кафедра меңгерушісі Е.А.Бөрібаевтың, ҚР Бас көлік прокурорының көмекшісі А.Е. Ашкееваның, ҚР ҰҚК полковнигі Ж.А. Мағзамовтың, қауымдастырылған профессорлар Ж. Б. Шаяхметова мен Г.Б.Ниетбаеваның қолдауымен өтті.