ОмМПУ-мен ынтымақтастық жалғасуда

2024 жылдың 9 желтоқсаны мен 11 желтоқсаны аралығында Абай атындағы ҚазҰПУ өкілдері - ДАВ директоры Хайролла Жанбеков пен педагогика кафедрасының меңгерушісі Шолпан Колумбаева Омбы мемлекеттік педагогикалық университетінде тәжірибе алмасу және өзекті кәсіби мәселелер бойынша бірлесіп жұмыс істеу мақсатында болды. Біздің өкілдеріміз ОмМПУ ректоры Н.С. Макарованың қабылдауында болып, бірінші проректор И.И. Кротпен, оқу және ғылыми жұмыс жөніндегі проректорлармен кездесіп, педагогтардың кәсіби даярлығының жалпы мәселелерін талқылады.

Сондай-ақ, жүйені дамыту және психологиялық-педагогикалық сыныптардың қызметі мәселелері бойынша дөңгелек үстел жұмысына қатысып, болашақ педагогтарды даярлау және кәсіптік бағдарлау іс-шараларын өткізу мәселелерін талқылады. Дөңгелек үстелде тәлімгерлерді даярлаудағы инновациялар, Артекпен өзара іс-қимыл және директорлардың Ресейдегі тәрбие жұмысы жөніндегі кеңесшілерін оқыту мәселелері талқыланды. Сондай-ақ, психологиялық-педагогикалық сыныптардың педагогтарын ғылыми-әдістемелік сүйемелдеумен айналысатын ОмМПУ педагогика кафедрасының оқытушылары әріптестерімен өздерінің материалдары мен оқу құралдарымен бөлісіп, оқушылармен ашық сабақ өткізді. Әріптестеріміз В.М. Самосудов атындағы әмбебап педагогикалық құзыреттер технопаркінің және РББА академигі М.П. Лапчик атындағы Кванториумның, сондай-ақ химия, биохимия, география бойынша әдістемелік кабинеттердің жұмысымен және материалдық-техникалық жабдықталуымен танысты.