«Жаратылыстану-ғылыми білім беруді дамытудың  теориясы мен практикасы» шеберлік сыныбы

21 ғасырдың сұраныстарының бірі - оқу үрдісіне отандық және халықаралық тәжірибені біріктіру болып отыр. Осы орайда 2024 жылдың 8 сәуірінде Жаратылыстану және география институтының биология кафедрасының профессоры Жұмағұлова Қалампыр «Жаратылыстану-ғылыми білім беруді дамыту теориясы мен практикасы» тақырыбында болашақ мұғалімдер үшін өте өзекті шеберлік сыныбын өткізді.

Мастер классқа кафедраның қауымдастырылған профессорының м.а. М.Б.Аманбаева, аға оқытушы Т.Секерова және «Биология» мамандығының 1 курс магистранттары қатысты. Құзыреттілік тәсіл негізінде жаратылыстану-ғылыми білім беруді дамытудың мақсаттары мен мүмкіндіктері, интеграцияланған пәндердің мазмұнын таңдау жолдары, пән мазмұнын интеграциялау үшін қажетті жағдайлар бойынша теориялық мәселелер қаралды, сондай-ақ биология бойынша интеграцияланған сабақтың мазмұны бойынша мысалдар келтірілді.

Жаратылыстану ғылымдары бойынша халықаралық зерттеулерге салыстырмалы талдау жүргізілді, оның нәтижелері талданды. Мастер-класс барысында PISA халықаралық бағыттағы мектеп биологиясы бойынша берілген тапсырмалардың сәйкестігі анықталды, магистранттар топтық жұмысты орындады. Топтық жұмыста студенттер өте белсенді болды және тапсырылған тапсырмаларды қызығушылықпен орындады. Іс-шара соңында қатысушылар кері байланыс негізінде пікірлер мен идеялар алмасып, өз ойларымен бөлісті.