«Абай және XXI ғасырдағы Қазақстан» мақаласы мен «Педагог мәртебесі туралы» Заңды талқылау

2020 жылдың 22 қаңтарында Жаратылыстану және география институнда профессор-оқытушылар құрамы мен білім алушылар арасында Мемлекет басшысы Қасым-Жомарт Тоқаевтың «Абай және XXI ғасырдағы Қазақстан» мақаласы мен «Педагог мәртебесі туралы» Заң талқыланды. Біріктіру кездейсоқ емес: қазақтың ұлы ақыны және ойшылы туған халқының ағартылуын жақтады.

Іс-шараның мақсаты - Абай Құнанбаевтың бай мұрасын кеңінен насихаттау. ХІХ-ХХ ғасырларда интеллектуалды ұлттың қалыптасуында үлкен рөл атқарған ол бүгінгі күні де өзекті болып табылады. Абайдың білім арқылы мемлекеттілікті нығайту туралы дана сөздері мен тұжырымдары «Педагог мәртебесі туралы» ҚР Заңының орындалуына ықпал ететіні сөзсіз. Өйткені, кез-келген елдің болашағы жаңа ұрпақты тәрбиелеп, оқытатын мұғалімдердің қызметіне байланысты.

Іс-шараны Институт директоры Күләш Каймулдинова ашты. Одан кейін әлеуметтік-философиялық пәндер кафедрасының меңгерушісі Жомарт Симтиков пен университеттің жастар комитетінің төрағасы Дидарбек Ділдабек сөз сөйледі. Олар көтерілген тақырыптардың маңыздылығы мен олардың ортақ екендігіне тоқталды. Оқытушылар мен студенттер өз пікірлері мен идеяларын талқылап, белсенді түрде араласты.