Ұстаздық қызметтің майталманы

2024 жылдың 3 желтоқсанында Абай атындағы ҚазҰПУ Педагогика және психология факультетінің «8D01201-Мектепке дейінгі оқыту және тәрбиелеу» білім беру бағдарламасының 2 курс докторанттары Разия Каримова мен Жанна Асанханованың ұйымдастыруымен 3 курс «6В01201-Мектепке дейінгі оқыту және тәрбиелеу» бағдарламасының студенттерінің қатысуымен профессор Ромсейіт Мұхамеджанұлы Қоянбаевтың туғанына 85 жыл толуына орай «Ұстаздық қызметтің майталманы» атты интербелсенді дәріс өтті.

Іс- шараның мақсаты: білім алушыларды Ромсейіт Мұхамеджанұлы Қоянбаевтың ұстаздық өмір жолы мен педагогикалық көзқарастарын таныстырып, оның білім беру саласына қосқан үлесін көрсету.

Дәріс барысында білім алушыларға «Тірі кітаптар» әдісі мен «Зерттеулер зертханасы» интерактивті сессиясы негізінде ұстаздың өмірі мен шығармашылығы таныстырылды. Рефлепрактикум жоспары негізінде білім алушылар «Біз не білдік?», «Таңқаларлық не болды», «Ойлау жүйемізде не өзгерді?» сұрақтарға жауап беру арқылы Ромсейіт Қоянбаевтың зерттеулерінің әр саласын жан-жақты қарастырылды.

Іс-шараның қонақтары - Ромсейіт Қоянбаевтың шәкірттері Мектепке дейінгі білім беру және әлеуметтік педагогика кафедрасының меңгерушісі, п.ғ.к., профессор Ұлбосын Кыякбаева, п.ғ.к., профессор м.а. Алма Айтпаева және аға оқытушылар Дариға Азимбаева, Гүлмира Момбиева, Саулет Тукебаева, Феруза Абдримова. Шәкірттері Ромсейіт Қоянбаевтың ғылыми және жеке өмірін, педагог кадрларды дайындаудағы сіңірген еңбегі туралы естеліктермен бөлісті.

Интербелсенді дәрістің қорытындысында жасанды интеллекті программасымен ғалымның афоризмге айналған ой-маржандарымен қорытындыланды.