Абай университетінің студенттері XVI Республикалық пәндік олимпиадада 1 орынға ие болды  

2024 жылдың 18-19 қазаны аралығында Сәрсен Аманжолов атындағы Шығыс Қазақстан университетінде «6В01201 -Мектепке дейінгі оқыту және тәрбие » білім беру бағдарламасы бойынша «Мектепке дейінгі білім беру  тәжірбиесіндегі жаңа талаптар мен жетістіктер» атты XVI Республикалық пәндік олимпиадасы өтті. Олимпиадаға еліміздің түкпір-түкпірінен 13 команда қатысып, бақтарын сынады. Олимпиадаға Абай университетінен «АВАІ Stars» тобы қатысты.

Командалық есепте «Abai Stars» командасы 1-ші орынға ие болып, Сәрсен Аманжолов атындағы Шығыс Қазақстан университеті  КЕАҚ Басқарма төрағасы - ректоры Мұхтар Төлегеннің арнайы дипломымен марапатталды.

Жетекші - мектепке дейінгі білім беру және әлеуметтік педагогика кафедрасының профессоры, PhD доктор Абилбакиева Ғалия.