Абай университетінің докторанттары балаларды ерте дамыту саласында семинар-тренингтен өтті

2024 жылдың 18-21 маусымы аралығында «Мектепке дейінгі оқыту және тәрбиелеу» ББ 1-3 курс докторанттары балаларды ерте дамыту саласындағы мамандарға арналған «Мектеп жасына дейінгі балалардың дамуын бақылау, ерте жас көмек және қолдауда отбасына бағытталған тәсіл» тақырыбындағы семинар - тренингтен өтті. Дәрісті ЮНИСЕФ-тің ұлттық серіктесі болып табылатын «Отбасы академиясы» отбасын кешенді қолдау орталығы ұйымдастырды.

Офлайн түрде өткен семинар-тренинг 2 негізгі бөлімді қамтыды:

- кәсіби дағдылар - таңдалған тақырыптық салалар бойынша білімді енгізу және жаңарту;

- коммуникативтік дағдылар - 0-7 жас аралығындағы балалардың ата-аналарымен және қамқоршыларымен ата-аналардың ерте жастағы балалардың дамуын заманауи мониторингілеудегі маңызы.

Семинар-тренингте докторанттар ерте және мектеп жасына дейінгі балаларға мониторинг жүргізудің озық тәжірибелерімен таныстырып, балалар мен ата-аналар қарым-қатынасы мәселелерін қарастырды, 0-7 жас аралығындағы балалардың ата-аналарымен және қамқоршыларымен практикалық іс-әрекет (кейс-жағдайлар мен жаттығуларды шешу) процесінде мамандардың жұмыс ерекшеліктерін зерттеді.

Аталған жиын мамандарға және жаттықтырушыларға құнды тәжірибелерімен бөлісуге және балалардың ерте даму ерекшеліктерін тереңірек білуге мүмкіндік берді.