«Университет көктемі-2018» әдістемелік фестивалі

2018 жылдың 24 сәуір күні Математика, физика және информатика институтында Абай атындағы ҚазҰПУ-нің 90 жылдық мерейтойына тарту ретінде болашақ мұғалімдердің педагогикалық пәндер бойынша оқу жетістіктерінің және педагогикалық құзыреттіліктерінің инновациялық ашық сайысы ретінде «Университет көктемі-2018» әдістемелік фестивалі өткізілді.

Тұрақты түрде жыл сайын өткізіліп тұратын, бұл оқу- тәрбиелік, ғылыми-әдістемелік шығармашылық іс-шараға автор және ұйымдастырушысы, Педагогика және психология институтының педагогика кафедрасының доценті Светлана Жұмашева жетекшілік етті. «Математика», «физика», «информатика» педагогикалық мамандықтарының студенттерінің қатысуымен өткен фестивальда сынып жетекшілер әдістемелік бірлестіктерінің презентациялары мен тәрбиелеу технологияларымен қатар, қазіргі оқушының үлгерімі мен тәртібі, танымдық дербестілігі мен бос уақытының тиімділігі, зиянды әдеттерге қарсы- осындай көкейкесті мәселелерге арналған интербелсенді тәрбие сағаттарын инновациялық әдіс-тәсілдері негізінде өткізе білді.

Сонымен бірге, интербелсенді түрінде біздің Абай атындағы ҚазҰПУ-ның 90-жылдығына,«Рухани жаңғыру» жобасына, «Республикалық ата-аналар жиналысы күніне», «Қазақтың ұлттық киімдерінің күніне» арналған, болашақ мектеп және мамандықты таңдау мәселелеріне шешім табу мақсатында әлеуметтік бағытталған ұжымдық-шығармашылық істер мен «Дипломмен-ауылға!», «Біз жемқорлыққа қарсымыз!» акциялары өткізілді. «Оқу жетістіктері портфолиосы» және «Білім беру менеджерінің портфолиосын» қорғауы да болашақ мұғалімдердің кәсіби-әдістемелік және ұйымдастырушылық құзыреттілігін дамытуға мүмкіндік берді. Фестивальдің соңында әр түрлі номинациялар бойынша мараппатау рәсімі жүргізіліп, дәстүр бойынша фестиваль әнұраны шырқалды.

«Педагогика» кафедрасы ұжымының ұйымдастыруымен п.ғ.д.,профессор Рая Айтбайқызы Джанабаеваның 70 жасқа толу мерейтойына байланысты «Өмірін ізгілікпен өрнектеген - ұстаз» атты танымдық кеш өтті. Танымдық кешке Рая айтбайқызының шәкірттері,әріптестері,курстастары және балалық шақты бірге өткізген құрбы-құрдастары қатысты.Танымдық кеш 9 қараша 2017 жылы өткізілді.

«Педагокика» кафедрасы ұжымы білікті ұстаз п.ғ.д.,профессор Сауле Тохтарқызы Иманбаеваның 60 жылдық мерейтойына орай «Ғылыммен өрнектеген ғұмыр» атты танымдық кеш ұйымдастырылды.

Танымдық кешке қоғам қайраткерлері белгілі ғалымдар,ұстаздар,кеш иесінің шәкірттері курстастары және туғандары қатысты.Танымдық кеш өз деңгейінде өте тартымды өтті.Танымдық кеш 23 қараша 2017 жылы өткізілді

Қазақстан Республикасы дін істері және азаматтық қоғам министрлігі,халықаралық «Жанашыр» қоғамдық қорының ұйымдастыруымен «Халықтың ұлттық - мәдени бірлігін сақтаудағы зиялылардың рөлі» жобасы аясында п.ғ.к., ҚазҰПУ профессоры Б.С.Сайдахметов «Рухани жаңғыру, рухани тазалық ұстанымдары» тақырыбы аясында коучинг өткізді.Алматы қаласы №139 мектепте және Алматы қаласы қызмет көрсету және технология колледжінде.

Педагогика кафедрасының п.ғ.д.,профессоры Саудабаева Гульмира Сауытжанқызының ұйымдастыруымен физика,математика және информатика институтының 2 курс студенттерімен Болашаққа бағдар: Рухани жаңғыру ел мақаласын насихаттау барысында «Ел бірлігі жомартттықтың биік шыңы» атты тақырыпта студенттермен кездесу ұйымдастырылды. Алматы қаласының Қазақстан Ұлттар Ассамблеясының орынбасары,Осетин «Иринхас» мәдени орталығының төрағасы Мансуров К.В., Абай ат.ҚазҰПУ-ң түлегі тарих ғ.д.,профессор Корей халқының орталығының төрағасы Кан Г.В.,Үйғыр «КУЯБ» жастар орталығының төрағасы Кайрыев Р. қатысуымен өткізілді. 27 қыркүйек 2017ж .

Педагогика кафедрасының п.ғ.д.,профессоры Саудабаева Гульмира Сауытжанқызының ұйымдастыруымен «Конституция - Қазақстан халқының бірлігінің кепілі» атты салтанатты кешке Алматы қаласының ҚХА жалпыреспубликалық акциясына тарих мамандығының 4 курс студенттерін баяндамасымен презентацияларына жетекшілік жасап апарды.