Магистранттардың архивтегі бір күні: тарихпен бетпе-бет

Тарих және құқық факультетінің Академик Т.С. Садықов атындағы Жаңа және қазіргі замандағы Қазақстан тарихы кафедрасының 1-курс магистранттары қызықты әрі пайдалы тәжірибе алды. Қазақстан Республикасының Орталық мемлекеттік архивінде өткен ғылыми экскурсия барысында олар архив қызметкерлерімен танысып, архив құрылымы мен зерттеу мүмкіндіктері туралы маңызды ақпарат алды. Студенттер жаңа құпиясыздандырылған қорлармен танысып, репрессиялар тақырыбына қатысты сирек кездесетін материалдармен жұмыс істеді.

Кафедра оқытушылары Ш.Т. Нұрман, Т.М. Байсалбаева мен архив басшылығы мен қызметкерлері М.Ғ. Жылысбаева, А.Б. Шалабаева, Қ. Кабдуш қатысуымен өткен бұл іс-шара болашақ тарихшыларға тарихи дереккөздердің маңыздылығын көрсетіп, ғылыми зерттеулер үшін жаңа мүмкіндіктер ашты. Магистранттар мұрағатқа зерттеу сапары арқылы архив тек құжаттар сақталатын орын ғана емес, өткенді терең түсінуге және тың тарихи зерттеулер жүргізуге арналған баға жетпес ресурс екеніне көз жеткізді.