Абай университетінің студенттері Орталық мемлекеттік кино-фото құжаттар мен дыбыс жазбалары архивінде

2024 жылдың 9 қазанында Абай атындағы ҚазҰПУ Тарих және құқық факультеті академик Т.С. Садықов атындағы жаңа және қазіргі замандағы Қазақстан тарихы кафедрасының оқытушы Дүйсенбайқызы Айтолқын «6В01601-Тарих» мамандығының 4 курс студентерімен бірге Орталық мемлекеттік кино-фото құжаттар мен дыбыс жазбалары архивіне барып қайтты. Архив қызметкерлері студенттерге қызықты экскурсия ұйымдастырып, білім алушылардың таным көкжиегін кеңейтті. Сонымен қатар студенттер белгілі қазақстандық кинорежиссер Сергей Әзімовпен кездесу кешіне қатысты.

Аталмыш шара аясында студенттер С.Ж. Әзімов түсірген ғалым Әл-Фарабидің шығармашылық мұрасына арналған «Ұстаздың оралуы» деректі фильмінің көрсетілімін тамашалады. Кездесу жоғары деңгейде өтті.