Түркі және шағатай тілдерінің ерекшеліктері туралы дәрістер

2018 жылдың 27 қарашасында Филология және көптілді білім беру институтының академик С.Қирабаев атындағы «Қазақ тілі мен әдебиеті» кафедрасының ұйымдастыруымен Түркияның Стамбул қаласындағы «Йылдыз» техникалық университетінің профессоры, РһD Зухал Олмез «Түркі және шағатай тілінің ерекшеліктері» тақырыбында дәріс оқыды.

Ал Мугла Сыткы Кочман университетінің профессоры, халық әдебиеті ғылымдарының докторы Мехмет Наджи Оналдың дәрісі түркі халықтарының әдебиет үлгілеріне арналды. Дәріске қатысқан магистранттар мен докторанттар, кафедра оқытушылары тақырыпқа қатысты сұрақтар қойып, жауап алды. Дәріс мазмұнды өтті.

Шетелдік қонақтарды Филология және көптілді білім беру институтының директоры, ф.ғ.д.,профессор Балтабай Әбдіғазиұлы қабылдап, университеттер арасындағы байланысты, ынтымақтастықты жетілдіру жайын сөз етті.