Түрлі стильдегі мәтіндермен жұмыс арқылы оқу сауаттылығын жетілдіру

2025 жылдың 10 қаңтарында Алматы қаласындағы Ы. Алтынсарин атындағы №159 гимназияда жұмыс тобының жетекшісі, п.ғ.д., профессор Ж.Қ.Балтабаеваның ұйымдастыруымен Қазақ тілі теориясы және оқыту әдістемесі кафедрасы филиалының кезекті семинары болды. Семинарда жұмыс тобының мүшесі, ф.ғ.к., доцент Е.С.Қасен «Білім алушыларды стиль түрлеріне дағдыландыру (8-сынып) тақырыбында баяндама жасап, мектеп бағдарламасы бойынша тілді стиль түрлеріне сай қолданудың өзіндік заңдылықтары мен ерекшеліктеріне кеңінен тоқталды.

Кафедра меңгерушісі, ф.ғ.д., доцент Н.Ә.Ильясова мәтін арқылы оқушылардың оқу сауаттылығын жетілдірудегі мәтіннің рөлі және оны оқытудың әдіс-тәсілдері жайында баяндады.

Семинарға қатысушы мұғалімдер талқыланған тақырыптарға қатысты өз тәжірибелерімен бөлісті.