«Абай мұрасы - рухани кемелділік өзегі» вебинары

2020 жылдың 28 сәуірінде Филология және көптілді білім беру институты академик Серік Қирабаев атындағы қазақ тілі мен әдебиеті кафедрасының доценті Райгүл Рахметованың жетекшілігімен «Қазақ тілі мен әдебиет» мамандығының 1-курс магистранттары «Абай мұрасы - рухани кемелділік өзегі» тақырыбында танымдық-вебинар сабағын өтті.

«Қазақ тілінен жаңартылған білім мазмұнын меңгерту әдістемесі» пәнінің аясында қорытынды сабақ ретінде өтілген вебинарға кафедра құрамы де қатысты. Магистранттар Нышанбаева Тоғжан, Жашаралина Гүлден, Махамбетова Алтынай, Рүстем Наркес, Рабаева Ақерке, Смадиярова Эльмира, Маруақызы Толғанайдың Абайдың философиясы, педагогикалық ойлары жайлы жасаған баяндамаларын кафедра профессор-оқытушылары Ф.Оразбаева, Ж.Дәулетбекова, Қ.Қалыбаева, Е. Молдасанов, З.Османова және т.б. оқытушылар жоғары бағалап, пікірлерін білдірді.

Магистранттар Абай мұрасының ХХІ ғасырда алар орнының ерекше екенін дәлелдеп, ақын мұрасын дамыту үшін ұсыныс-пікірлерін ортаға салды. Екі сағатқа созылған танымдық вебинарда құнды пікірлер айтылып, шәкірттермен ұстаздар арасында кері байланыс жүргізілді. Қатысушылар өзара пікір алмасу арқылы Абай мұрасының қазіргі жаңартылған білім берумен байланысын жан-жақты ашып көрсетті.