Латын графикасындағы қазақ жазуының өзекті мәселелері бойынша семинар

2020 жылдың 6 қаңтарында Абай атындағы ҚазҰПУ-да Қысқы мектеп аясында «Латын әліпбиін қолдану арқылы студенттерді қазақ тіліне оқыту тәжірибесі. Латын негізді қазақ жазуының өзекті мәселелері» тақырыбында семинар өтті.

Семинарды университеттің оқу ісі жөніндегі проректор Асан Сәтмырзаев жүргізді. Семинар барысында «Өрлеу» ұлттық біліктілікті арттыру орталығының курсына қатысып, біліктілігін арттырған Филология және көптілді білім беру инcтитутының академик С.Қирабаев атындағы қазақ тілі мен әдебиеті кафедрасының оқытушылары баяндама жасады.

Университет профессоры Майра Жунисова «Ұлттық жазуды білім алушыларға меңгертудің жолдары» тақырыбында баяндама жасап, курстың мақсаты мен модульдерін, кезеңдерін түсіндіріп, бірнеше сайттармен жұмыс істеу жолдарын, ықшам сабақ түрлерінің үлгісін, смарт мақсат құруды үйретті.

Доцент Гүлзат Раева «Латын негізді қазақ әліпбиін оқытуда қолданылатын тиімді әдіс-тәсілдер» тақырыбындағы баяндамасында латын тілі қазақ жазуының тарихы мәселелеріне тоқтала келе латын негізді қазақ әліпбиіндегі даулы мәселелер бойынша және жаңа емле ережелерін оқытудың әдіс-тәсілдері бойынша ой қозғады.

Профессор Марат Шуақаев қазақ жазуын латын қаріпіне ауыстырудың тиімді жолдары туралы өз пікірін ортаға салды.

Семинар тыңдаушылардың қызығушылығын оятып, жоғары деңгейде өтті.