Педагогика және психология факультетінің Чирчик мемлекеттік педагогикалық университетімен ынтымақтастығы

Ынтымақтастық туралы екіжақты келісім аясында Чирчик мемлекеттік педагогикалық университетінің (Өзбекстан) профессор-оқытушылар құрамынан делегация 2024 жылдың 5-9 қараша аралығында Педагогика және психология факультетінде академиялық ұтқырлық бағдарламасы бойынша ғылыми тағылымдамадан өтті.

Тағылымдама аясында әріптестер «Арнайы педагогика», «Практикалық психологты даярлау», «Мектепке дейінгі білім беру» мамандықтарының жұмысының негізгі бағыттарымен танысып, жетекші профессорлардың сабақтарына қатысып, бірқатар дәріс өткізді.

Тағылымдама аясында панельдік пікірталас ұйымдастырылды, онда спикер қонақтар өз ұсыныстарымен бөлісіп, одан әрі тығыз ынтымақтастық мәселелерін талқыланды.