«Ауызашар» тәрбиелік кеші

2023 жылғы 19 сәуірде Абай атындағы Қазақ ұлттық педагогикалық университетінің Педагогика және психология институты «Арнайы педагогика» кафедрасының оқытушылары мен білім алушылары бірлесіп «Ауызашар» дастарханын ұйымдастырды. «Ауызашар» кешіне қайырымдылық іс-шараларды ұйымдастырушы, Алатау ауданы «Дәстүрге жол» ұйымының басшысы А.Кенжебекқызы; Қазақ телевизиясының ардагері, тележурналист, жазушы К.К.Барманбекова; ұстаз-ардагер, қоғам белсендісі Н.Нурманбетова; «Қазақ аналары-дәстүрге жол» республикалық қоғамдық бірлестігі Алматы және Алматы облысы бойынша филиалының төрайымы Б.Ахметқызы; ұстаз, қоғам белсендісі, Отбасы құндылығының лекторы Қ.Пернебайқызы қатысты.

Кешті ұйымдастырушы және жүргізуші - кафедраның аға оқытушысы К.Бейсекенұлы. «Ауызашар» қонақтары Оразаның құндылықтарын, қыз тәрбиесіне қатысты бағалы, өзекті, тәрбиелік маңызы бар пікірлерін ортаға салды. Кеш дөңгелек үстелге айналып, студенттер ұстаз-ардагерлерге сұрақтарын қойып, өз ойларымен бөлісті. Тәрбиелік мақсатта ұйымдастырылған «Ауызашар» қызықты, әрі жоғары деңгейде өтті.