МАГИСТРАНТТАРДЫҢ ПЕДАГОГИКА ҒЫЛЫМДАРЫ
БОЙЫНША РЕСПУБЛИКАЛЫҚ ОЛИМПИАДАСЫ ӨЗ МӘРЕСІНЕ ЖЕТТІ

              10-12 сәуір аралығында Абай атындағы ҚазҰПУ-де Педагогика және психология институты Педагогика және психология кафедрасының ұйымдастыруымен республикада тұңғыш рет Магистранттардың ғылыми олимпиадасы өткізілді. Олимпиадаға Қазақстанның әр түрлі аймақтарынан 13 команда қатысты: Абай атындағы ҚазҰПУ, ҚазМемҚПУ, Қазақстан инженерлі-педагогикалық халықтар достығы университеті, Қожа Ахмет Ясауи атындағы ХҚТУ, Қорқыт Ата атындағы ҚМУ, Л.Н.Гумилев атындағы ЕҰУ, М.Қозыбаев атындағы СҚУ, М.Өтемісов атындағы БҚМУ, С.Аманжолов атындағы ШҚМУ, Семей қаласының Шәкәрім атындағы МПУ, І.Жансүгіров атындағы ЖМУ, Шет тілдер және іскерлік карьера университеті, Ш.Уалиханов атындағы Көкшетау мемлекеттік университетінің магистранттары қатысты.

10 сәуір күні Магистранттар олимпиадасының салтанатты ашылуы өтті.

            10-12 сәуір аралығында сағат 9.00 - 17. 00 дейін командалар V кезеңде: «Балаға жүрек жылуы: мұғалімдер тағдыры» тақырыбындағы командалық шағын зерттеу жұмысы, «Ғылыми хабарлама», Жазбаша жұмыс: ұсынылған мақалаға пікір жазу, «Ғылым және зерттеуші тұлғасы» тақырыбы бойынша ғылыми пікірталас, «Ғылыми эрудиция/ой-өріс» байқауы секілді кезеңдерде өз бақтарын сынады.
      11-12 сәуір аралығында Олимпиаданың бағдарламасына сәйкес Педагогика және психология кафедрасының профессорлары Тұрғынбаева Б.А., Жиенбаева Н.Б. дәрістер оқыды және «Қызығушылықтар бойынша клубтар» жүргізілді (профессор М.А.Абсатова, доцент Л.О.Сәрсенбаева).
           12 сәуір күні Олимпиаданың салтанатты жабылуында Педагогика және психология институтының директоры п.ғ.д., профессор Әлмұхамбетов Берікжан Айтқұлұлы олимпиаданың демеушілеріне «Koolmoney» микроқаржы ұйымының бас директоры Сәулебаева Гүлжан Маратқызына, «Костанай минералдары» акционерлік қоғамының басқарма төрағасы Нұрходжаев Ербол Сапарбайұлына алғыс білдірді.

         Педагогика және психология кафедрасының меңгерушісі п.ғ.д., профессор Әбдіғапбарова Ұлжарқын Мүсілімқызы қазылар алқасының шешімімен Олимпиадада озық шыққан 13 магистранттың Қазақстан Республикасы Білім және ғылым министрлігінің І, ІІ, ІІІ дәрежелі дипломдарымен, мадақтау грамоталарымен марапаттауға ұсынылғанын жариялады.

           Барлық қатысушыларға сертификаттар және естелік сыйлықтар берілді. Олимпиадада үздік шыққан алты команда І, ІІ, ІІІ дәрежелі дипломдармен кубок, ақшалай және бағалы сыйлықтармен марапатталды.

І - орын - Абай атындағы Қазақ ұлттық педагогикалық университеті командасы

ІІ - орын  Л.Н.Гумилев атындағы Еуразия ұлттық университеті.
Семей қаласының Шәкәрім атындағы мемлекеттік педагогикалық университеті

ІІІ - орын:

Ш.Уалиханов атындағы Көкшетау мемлекеттік университеті

М.Қозыбаев атындағы Солтүстік-Қазақстан университеті 

Қорқыт ата атындағы Қызылорда мемлекеттік университеті иеленді.

ПЕДАГОГИКА ЖӘНЕ ПСИХОЛОГИЯ КАФЕДРАСЫ

УНИВЕРСИТЕТІШІЛІК МАГИСТРАНТТАР АРАСЫНДАҒЫ ОЛИМПИАДА

Абай атындағы Қазақ Ұлттық педагогикалық университетінің ректоры, академик С.Ж.Пірәлиевтің 20.01.2016 жылғы №01-05-11 бұйрығына сәйкес педагогика және психология кафедрасының ұйымдастыруымен тұнғыш рет педагогикалық ғылымдар бойынша магистранттар олимпиадасы 2016 жылдың 20-сәуірінде өтті.
Олимпиадаға университеттің 6 институты: «Педагогика және психология» институты, «Филология» институты, «Жаратылыстану және география» институты, «Математика, физика және информатика» институты, «Тарих және құқық» институты, «Өнер, мәдениет және спорт» институттарының магистранттары қатысты.
Олимпиада бірінші проректор М.Е.Ермағанбетовтің құттықтау сөзімен ашылды. Әділ қазылар алқасының төрағасы М.Е.Ермағанбетов, ал әділ қазылар құрамында п.ғ.д., профессор Ұ.М.Әбдіғапбарова , п.ғ.д., профессор Б.А. Тұрғынбаева , п.ғ.д., профессор С.Н. Жиенбаева , пс.ғ.д, профессор  З.Б. Мадалиева болды.

Олимпиада ғылыми-педагогикалық кадрларды дайындаудың сапасын арттыру және талантты жас зерттеушілерді анықтау мен оларға қолдау көрсету мақсатында педагогика және психология кафедрасының меңгерушісі, педагогика ғылымдарының докторы, профессор Ұ.М.Әбдіғапбарова мен профессор, педагогика ғылымдарының докторы Б.А.Тұрғынбаеваның құрастырған «Педагогикалық ғылымдар бойынша магистранттар олимпиадасы туралы Ережеге» сәйкес төмендегідей 5 кезеңнен тұрды:
- «Студенттердің педагогикалық жауапкершілігін қалыптастыру» тақырыбы бойынша командалық шағын зерттеу нәтижесін презентациялау;
-«Ғылыми хабарлама» - өзінің диссертациялық зерттеуі бойынша қысқаша сөйлеу (7 минут, презентациялық материалды қолданбау);
- Жазбаша жұмыс: ұсынылған мақалаға пікір жазу;
-«Ғылым және зерттеуші тұлғасы» тақырыбы бойынша ғылыми пікірталас;
-«Ғылыми эрудиция/ой-өріс» байқауы - әрбір қатысушының өзінің
ғылыми ой-өрісін, ғылыми - зерттеу жұмысынан хабардарлығы мен дайындығын көрсету міндеттерін шешуі.

Қазылар алқасының шешімімен олимпиада жеңімпаздары 1-ші, 2-ші, 3-ші дәрежелі дипломдармен, ақшалай және естелік сыйлықтармен марапатталды.

Олимпиаданың қорытындысы бойынша «Педагогикалық ғылымдар бойынша магистранттардың олимпиадасында» үздік өнер көрсеткені үшін «Педагогика және психология» институтының магистранттары I дәрежелі дипломмен, дербестігімен ерекшеленгені үшін «Жаратылыстану және география» институты II дәрежелі дипломмен, белсенділігіменен ерекшеленгені үшін «Тарих және құқық» институты ІІІ дәрежелі дипломмен марапатталып, ақшалай жүлделерге ие болды.

Сондай-ақ, «Педагогикалық ғылымдар бойынша магистранттардың олимпиадасына» белсенді қатысқаны үшін «Филология» институты, «Математика, физика және информатика» институты, «Өнер, мәдениет және спорт» институттарының магистранттары алғыс хаттармен және ынталандыру сыйлықтарымен марапатталды.

Педагогика және психология кафедрасы