Абай университеті оқытушыларының Малайзияға ғылыми іссапары

AP23489915 «Замануи әлемдік мәдениеттегі Қазақстан бейнесін трансмедиальды көркем бейнелеу» ғылыми жобасын іске асыру жоспарына сәйкес (жетекшісі С.Ж.Әбішева) 2024 жылғы 3-10 желтоқсан аралығында жобалау тобының мүшелері - Абай атындағы ҚазҰПУ орыс тілі мен әдебиеті кафедрасының оқытушылары С.Ж.Әбішева, М.М.Хавайдарова, Д.А.Сабирова, Г.А.Атембаева, Ә.У.Байболов, М.Б.Молдағали Малайзияға (Куала-Лумпур қ.) ғылыми іссапарда болды. Жоба қатысушылары Малайя Университетінде (UM) және Халықаралық ислам университетінде (UIAM) болып, Малайзиядағы қазақ диаспорасының өкілдерімен кездесу өткізді.

Тараптар бірлескен ғылыми-зерттеу және білім беру жобаларын іске асыру, оқу және ғылыми материалдармен алмасу, бірлескен баспа жарияланымдар шығару, дәрістер оқу, іс-шараларға қатысу және екіжақты өзара іс-қимылдың басқа да аспектілеріне қатысты мәселелерін қарады.