Чирчик мемлекеттік педагогикалық университеті (Өзбекстан) оқытушыларының қатысуымен дөңгелек үстел

2024 жылдың 7 қарашасында Абай атындағы ҚазҰПУ Педагогика және психология факультетінің арнайы педагогика кафедрасында академиялық ұтқырлық бағдарламасы аясында Чирчик мемлекеттік педагогикалық университетінің (Өзбекстан) профессорлық-оқытушылық құрамының қатысуымен дөңгелек үстел өтті.

Дөңгелек үстелдің мақсаты: арнайы педагогтерді дайындау саласындағы  педагогикалық тәжірибемен алмасу.

Дөңгелек үстел қатысушылары: Абай атындағы ҚазҰПУ арнайы педагогика кафедрасының профессор-оқытушылар құрамы және Чирчик мемлекеттік педагогикалық университетінен келген қонақтар: жастармен жұмыс және рухани-тәрбие ісі жөніндегі проректор Самаридин Кораев, профессор Дустназар Химаталиев, арнайы педагогика кафедрасының меңгерушісі Феруза Кодирова, п.ғ.д., профессор Гавхар Абдуллаева, п.ғ.д., профессор Убайда Файзиева.

Дөңгелек үстел барысында жоғары білім беру жүйесінің барлық деңгейлерінде арнайы педагогтерді даярлау бағыттары, болашаққа арналған бірлескен іс-шаралар жоспары талқыланды.

Іс-шара соңында қатысушылардың сұрақтарына жауаптар беріліп, тақырып бойынша нақты ұсыныстар мен қарар дайындалды.