Мектеп оқушылары Абай университетінде болды

2024 жылдың 28 мен 31 қазаны аралығында Абай университетіне университет тарихымен, оқу орнының халықаралық, республикалық рейттингтері және білім беру бағдарламаларымен танысу мақсатында Ақтау қаласынан, Сарыағаш қаласынан, Тараз қаласының «Өркениет білім қорынан», Талдықорған қаласының «INNOVERSE HIGH SCHOOL», «INNOVERSE TALDYQORGAN» мектептерінен 500-ден аса 11 сынып оқушылары келді. Іс-шара «Абай атындағы ҚазҰПУ-дың даңқты тарихы» тақырыбында, Абай атындағы ҚазҰПУ Басқарма төрағасы - ректор Болат Тілептің қолдауымен Маркетинг басқармасы, Кәсіби бағдар беру бөлімінің басшысы Нұрмахан Әуесбекұлы және университет факультеттерінің кәсіби бағдар беру жұмыстарына жауапты тұлғалардың ұйымдастыруымен өткізілді. Ұйымдастырушылар оқушыларға кәсіби бағдар беру жұмыстарын жүргізіп, мектеп бітіруші түлектердің сұрақтарына жауап беріп, оқу ғимараттарымен таныстырды.

Сондай-ақ, қонақтар университеттің дамуына баға жетпес үлес қосқан Ахмет Байтұрсынов, Санжар Асфендияров, Ораз Жандосов және Сәкен Сейфуллин сияқты көрнекті тұлғалардың өмірімен және еңбек қызметімен танысты.