Біліктілікті арттыру курстары

2023 жылғы 12 мамырдан 22 мамырға дейін Абай атындағы ҚазҰПУ-дың профессор-оқытушылар құрамы, жоғары және жоғары оқу орнынан кейінгі білім беру ұйымдары, колледждер, серіктес мектептердің тәлімгерлері, дуальды білім берудің білім беру бағдарламаларын іске асыратын серіктес ұйымдар үшін онлайн және офлайн режимінде сертификатталған 72 сағаттық біліктілікті арттыру курстарынан өтті.

Біліктілікті арттыру курстарының бағдарламасы дуальды білім беруге мүдделі ұйымдарды/компанияларды/ білім беру мекемелерін сапалы даярлауды ұйымдастыру, Қазақстан Республикасының білім беруді дамытудың негізгі бағыттарына сәйкес болашақ педагогтарды даярлау мақсатында дуальды білім беру бағдарламаларын жобалауға және іске асыруға даярлауға бағытталған.

Білім беру процесін ұйымдастыру кезінде тыңдаушылардың кәсіби құзыреттіліктерінің қалыптасу деңгейін анықтау үшін кіріс және шығыс сауалнама қарастырылған. Тыңдаушылардың білімін бақылау және бағалау мақсатында «Дуальды оқыту жағдайында оқытудағы инновациялық тәсілдер», «Дуальды оқытудың болашақ педагогтың кәсіби даярлығының табыстылығына әсері», «Дуальды білім беру: енгізу мәселелері және перспективалық артықшылықтар» тақырыптарында презентация-эссе жасау ұсынылды.

Курстарды аяқтағаннан кейін толық курсты тыңдап, тапсырмаларды орындаған қатысушыларға халықаралық имидж сертификаттары табыс етілді, жобаның серіктестері, NGS жаңа буын мектебінің өкілдері дуальды білім беруді дамытуға белсенді қатысқаны үшін алғыс алды. Курсты ұйымдастырушылар - педагогикалық шеберлік орталығы және KazDual жобасының командасы.